ਤੇਰੀਆਂ ਯਾਦਾਂ - Davinder Kaur

Now you can also send your creative writings very easily. Just type your stories, poems, essays, product reviews, health tips etc on your mobile or computer, in english, hindi or punjabi and send on editorglobalstories@gmail.com to get your work published.

ਤੇਰੀਆਂ ਯਾਦਾਂ

ਜਿਹਦੇ ਬੋਲ ਲੱਗਦੇ ਸੀ ਸ਼ਹਿਦ ਤੋਂ ਵੀ ਮਿੱਠੇ
ਅੱਜਕਲ ਉਹ ਸੱਜਣ ਰਹਿੰਦੇ ਪਤਾ ਨਹੀਂ ਕਿੱਥੇ
ਅਰਸਾ ਹੋ ਗਿਆ ਕੰਨੀਂ ਪਈ ਨਾ ਓਹਦੀ ਆਵਾਜ਼
ਪਤਾ ਨਹੀਂ ਕਿਹੜੇ ਕੰਮਾਂ ਚ ਮਸਰੂਫ਼ ਹੋ ਗਏ ਜਨਾਬ


ਲੱਗਦਾ ਵਧਾ ਰਹੇ ਨੇ ਆਪਣਾ ਉਹ ਕਾਰੋਬਾਰ
ਤਾਹੀਂ ਤਾਂ ਭੁੱਲੇ ਬੈਠੇ ਨੇ ਸਾਡਾ ਇਹ ਪਿਆਰ
ਦੌਲਤ ਸ਼ੋਹਰਤ ਦੇ ਪਿੱਛੇ ਹਰ ਵੇਲੇ ਰਹਿੰਦੇ ਜੋ ਭੱਜੇ
ਭਾਵੇਂ ਕੁੱਝ ਵੀ ਹੋ ਜਾਏ ਦਿਲ ਚੋਂ ਨਾ ਜਾਂਦੇ ਕੱਢੇ


ਆਮ ਜਿਹਾ ਨਹੀਂ ਉਹ ਬੰਦਾ ਬਹੁਤ ਮਸ਼ਹੂਰ ਹੈ
ਤਾਂਹੀਓ ਤਾਂ ਰਹਿੰਦੇ ਦਿਲਾ ਸਾਥੋਂ ਦੂਰ ਦੂਰ ਹੈ
ਕਦੀ ਕਹਿੰਦੇ ਸੀ ਜੋ ਆਵਾਜ਼ ਤੇਰੀ ਖੰਡ ਲੱਗਦੀ
ਅੱਜ ਸਾਡੇ ਨਾਲ ਗੱਲ ਕਰਦਿਆਂ ਵੀ ਓਹਨੂੰ ਸੰਗ ਲੱਗਦੀ

ਓਹਦਾ ਮਹਾਂਨਗਰ ਚ ਚੱਲਦਾ ਹੋਊ ਬੜਾ ਸਿੱਕਾ
ਤਾਹੀਂ ਸਾਡਾ ਪਿਆਰ ਅੱਜ ਲੱਗੇ ਓਹਨੂੰ ਫਿੱਕਾ ਫਿੱਕਾ
ਕਦੀ ਮਿੰਨਤਾਂ ਨਾਲ ਤਰਲੇ ਕਰ ਕਰ ਜੋ ਬੁਲਾਉਂਦਾ ਸੀ
ਦਵਿੰਦਰ ਅੱਜ ਉਹ ਸੁਪਨੇ ਵਿੱਚ ਵੀ ਬੁਲਾਉਂਦਾ ਨੀ

Davinder kaur
Nawanshahr
8146649655